Regnboginn hóf starfsemi sína árið 1980 og var það fyrsta
fjölsalabíóið á Íslandi. Bíóið er staðsett í miðborg Reykjavíkur, nánar tiltekið
á Hverfisgötu 54.
Miklar breytingar hafa verið gerðar í Regnboganum undanfarnar vikur og hefur Smárabíó verið haft að leiðarljósi þar. Í fyrsta lagi hafa verið sett inn ný sæti í alla sali ( þau sömu og eru í Smárabíói) en sætin þar hafa komið sérstaklega vel út hvað varðar þægindi. Sætin eru breiðari en áður og með hallandi baki.. Einnig hefur bil milli bekkja verið aukið í 110 cm , sem er það sama og í Smárabíói. Salirnir hafa verið stallaðir meira og því mun betra að sjá á tjaldið. Bekkjum hefur einnig verið fækkað og fremstu bekkjaröðum sleppt. Ný tjöld hafa verið sett upp ásamt nýjustu gerðum af linsum sem auka skarpleika og birtu myndar. Sýningarvélar hafa verið endurnýjaðar til að tryggja rekstraröryggi. Hljóðkerfi hefur verið endurbætt og Dolby Digital verið sett í alla sali. Anddyrið hefur fengið mikla upplyftingu og fullkomnum afgreiðslukerfum komið fyrir bæði í miða og sælgætissölu til að flýta fyrir afgreiðslu. Sætaframboð í hverjum sal hefur minnkað til móts við aukin þægindi og ætti því að vera auðveldara að fá bílastæði.
Kvikmyndahúsið er búið SDDS og DOLBY DIGITAL hljóðkerfum.
Skífan tók við rekstri Regnbogans árið 1992.
Nokkrar af helstu stórmyndum Regnbogans eru: Titanic, Basinc Instinc, My Myself and Irene, Pulp Fiction, ID 4, There´s something about Mary, Piano og Star Wars Episode One og fl myndir.
