|
|
| FIFTH ELEMENT, THE |
| Útgefandi: |
GAUMONT |
Verð: 1.499,- |
Vörunúmer:
|
4203M
|
Bónusklúbbsverð: 1.349,-
|
|
|
|
| |
Um myndina:
Þessi feikivinsæla og fantagóða mynd leikstjórans Lucs Besson, sem m.a. gerði myndirnar Subway, Nikita og Leon, er mikið og litríkt vísindaævintýri með ótrúlega góðum tæknibrellum, skemmtilegum söguþræði og vænum skammti af góðu gríni.
Myndin gerist í framtíðinni, eftir 250 ár, þegar jörðinni stafar hætta af illum öflum sem hyggjast ráðast á hana og hrifsa til sín völdin. Það eina sem getur hrundið árás þeirra er hið svokallaða fimmta frumefni, en vandamálið er að þær verur sem vissu hvar það er að finna eru dauðar og enginn veit nú hvar það er að finna. Og jafnvel þótt einhver vissi það þá veit enginn með vissu hvernig á að nota það gegn hinu illa afli. Að vísu segir þjóðsagan að í Egyptalandi sé að finna þau fjögur frumefni sem hið fimmta þarf nauðsynlega á að halda til að verka eins og til er ætlast, þeir eru ekki margir sem þekkja staðinn.
En vísindi framtíðarinnar eru ótrúleg. Vísindamönnum hefur tekist að ná í vef af einni af hinum dauðu verum og geta ræktað úr honum kvenveru (Milla Jovovich) En þegar veran vaknar upp verður hún svo hrædd að hún flýr úr búri sínu og þrátt fyrir eftirför tekst henni að sleppa út í iðandi umferðina. Þar endar hún í aftursæti leiguflugbíls sem stjórnað er af hinum kærulausa fyrrverandi flugforingja Corben Dallas (Bruce Willis). Hann áttar sig fljótlega að þarna hefur hann fengið óvenjulegan farþega og áður en varir er hann kominn með örlög alls heimsins á sínar herðar
Aðalhlutverk: Bruce Willis, Milla Jovovich, Gary Oldman, Chris Rock og Ian Holm
Leikstjóri: Luc Besson
Lengd: 130 mín.
Aldurstakmark: 12 ára
|
Umsagnir
Matthías Arngrímsson |
| |
Þvílík mynd! Brellurnar, búningarnir, leikurinn, tónlistin, meira að segja hárgreiðslan, allt frábært. Myndin er augnakonfekt og í raun má varla loka augunum því líkur eru á því að missa af einhverju. Fyrir þá sem hafa gaman af hasar, framtíðarmyndum, ævintýrum, eða öllu þrennu, þá er þetta myndin. Toppur! (26.11.1999) |
|
|
