Eins og við höfum skýrt frá, rak Arnold "hinn Svæsni" umboðsmenn sína hjá William Morris á dögunum, en nú er hann kominn á mála hjá CAA umboðsskrifstofunni en á þeim bænum vinna menn nú ötullega að því að gerð verði framhald af Conan the Barbarian og True Lies 2 .

Schwarzenegger er núna að vinna við Terminator 3 sem ber undirtitilinn "Rise Of The Machines" eða "Upprisa vélanna", þar sem hann fer með hlutverk vélmennisins T-800 sem er algjör dúlla. Það er Jonathan Mostow sem leikstýrir T-3, en hann gerði einnig U-571. Arnold sem fær um 30 milljónir dollara fyrir að leika í Terminator-myndinni segist vonast til að gamli vinur hans James Cameron muni taka að sér að leikstýra True Lies 2, ef af verður.

Síðasta stórmyndin sem þessi massaði drjóli lék í, var End Of Days það sem hann kjökraði eins og aumingi í lok myndarinnar, en sú mynd gerði yfir 200 milljónir dollara á heimsvísu. Collateral Damage slefaði í 80 milljónir dollara en slæmt gengi hennar var rakið til hörmunganna 11.september. Það er því nauðsynlegt fyrir hann að eiga "come-back" fljótlega, svo stjarna hans slokkni ekki alveg.

Og líklega er besta leiðin til þess, að koma með framhald af risa-myndunum sínum.