Tom Hanks hefur nú tilkynnt að hann sé hættur að leikstýra myndum í bili og að hann muni nú eftirláta Steven Spielberg það frekar að leikstýra myndunum fyrir sig.

Nýjasta mynd Hanks, Road To Perdition eða Leiðin til Glötunnar verður frumsýnd hér  í Nóvember næstkomandi en hún hefur fengið hreint framúrskarandi dóma og hefur verið orðuð við Óskar. Leikstjóri myndarinnar er Sam Mendez, en hann leikstýrði einnig American Beauty .

Hanks segir ástæðu þess að hann sé hættur leikstjórn vera sú að hann eigi börn í uppvexti og stóra fjölskyldu og það fari einfaldlega ekki saman að vera leikstjóri sem aldrei er heima og að ala börn. Leikstjórar beri miklar birgðar á herðum sér og þá sjaldan að þeir eru heima, séu þeir óþolandi af stressi og áhyggjum yfir því hvernig verk þeirra muni koma út í aðsókn og áhorfi.

Hann sé því að taka þessa ákvörðun af persónulegum ástæðum eingöngu og menn þurfi ekkert að velta sér frekar upp úr því