Lagalisti, plata 1:

01. Syrpa af hröðum lögum 02. Sig. Þórarinssonar-syrpa 03. Syrpa af íslenskum lögum 04. Syrpa af hægum lögum

05. Sjómannavalsa-syrpa 06. Svanna-syrpa 07. Rúmbu-syrpa 08. Syrpa af hröðum lögum (2)

 Lagalisti, plata 2:

01. Syrpa af hröðum lögum 02. Jóns Múla-syrpa 03. Valsa-syrpa 04. Rúmbu-syrpa

05. Sjómannavalsa-syrpa 06. Sigfúsar-syrpa 07. My Fair Lady-syrpan 08. Polka-syrpa

 Um plötuna:

Snemma á sjöunda áratugnum sendu 14 fóstbræður frá sér tvær geysivinsælar plötur sem höfðu að geyma syrpur vinsælla laga þess tíma. Nú verða þessar tvær plötur fáanlegar á tvöfaldri geislaplötu. (Skrifað 26. september 2000). Í umslagi segir: “Hinir Fjórtán Fóstbræður vöktu strax athygli þegar þeir komu fram í útvarpsþættinum Sunnudagskvöld með Svavari Gests” í fyrsta sinn. Dægurlög höfðu verið sungin í fjölda ára, en það var eins og menn færu ekki að gefa þeim gaum fyrr en þeir heyrðu til þessa hressilega kórs og áður en varði var söngur hinna Fjórtán Fóstbræðra orðinn stór hluti að útvarpsþættinum og fólk á öllum aldri og úr öllum stéttum söng með, hver við sitt útvarpstæki þegar Fjórtán Fóstbræður rifjuðu upp gamalkunn erlend dægurlög eða yngri lög eftir íslenska höfunda. Hér eru á einni og sömu plötunni átta lagasyrpur, eða 40 lög alls. Mörg þessara laga þekkja flestir en hér einnig að finna nokkur íslensk lög, sem ekki hafa verið gefin út á hljómplötum, þó þau hafi notið mikilla vinsælda á Íslandi svo þetta er um leið einkar eiguleg plata fyrir þá, sem vilja kynnast íslenskri dægurlagatónlist.” Um seinni plötuna segir í umslagi: “Hér eru Fjórtán Fóstbræður aftur á ferðinni og að þessu sinni með hljómplötu, sem vafalaust verður talin enn betri en fyrsta hljómplata þeirra, sem þó vakti meiri athygli heldur en nokkur önnur hljómplata, sem út hefur verið gefin á Íslandi fyrir fjölbreytt lagaval og frábæran söng. Hinar átta lagasyrpur á þessari hljómplötu hafa tekist sérlega vel; gömul og góð innlend og erlend dægurlög, sem allir kannast við ásamt lagasyrpu úr söngleiknum “My Fair Lady”, þar sem hin frábæra söngkona Elly Vilhjálms syngur með auk þess, sem hún er líka með í annarri syrpu. Þá er syrpa af lögum eftir hið vinsæla tónskáld Sigfús Halldórsson og önnur ekki lakari eftir Jón Múla Árnason. (Skrifað 12. október 2000).

 Umsagnir

Enginn hefur skrifað umsögn um þessa plötu. Vertu fyrst(ur) til þess!